Претседател на Советот

Владимир Здравев е дипломиран машински инженер, роден на 20 октомври 1973 година во Скопје. Гимназија завршил 1992 година во „Орце Николов", а 1998 година дипломирал на Електро-машинскиот факултет во Скопје, отсек заварување и заварени конструкции.

Работно искуство: 1995-1996 година во приватнатна фирма Рисо-информатика, претставништво на BASF magnetics. Од 1999 година во Министерство за трговија, во Секторот за трговска промоција, поддршка на извозот и маркетинг истражување. Од 2001 година работи во Министерство за финансии, Управа за јавни приходи, како раководител на Секторот за фискална автоматизација на Управата за јавни приходи - Генерална дирекција, а истовремено и како проект менаџер на работната група на проектот за електронска форма и дигитален потпис.


Учествувал на голем број курсеви и семинари, на кои се има стекнато со неколку сертификати во областа на менаџментот, безбедносни операции и од областа на маркетингот. Има високо познавање од компјутери, одлично го владее англискиот јазик.

Владимир Здравев е член на Централниот комитет на ВМРО-ДПМНЕ.