Како дел од проектот за изградба на 35 спортски сали во државата е и новата спортска сала "Македонско сонце” во основното училиште "11 Октомври”. Овој викенд салата ја пуштија во употреба градоначалникот на Општина Центар Владимир Тодоровиќ, премиерот на Република Македонија Никола Груевски и директорот на Агенцијата за млади и спорт Лазар Поповски. 

Во периодот од 2 до 15 февруари, Општина Центар во соработка со Град Скопје и ЈП Паркови и зеленило ќе спроведе голема акција за уредување на постоечките дрвореди и грмушки на јавни зелени површини со кастрење на гранките и кроење, но и сечење на старите, суви и уништени дрвја на целата територија на Општината, согласно проценката на стручните лица.

Изминатиот период Општина Центар изврши реконструкција на објектот "Парк”-клон на детската градинка "13 Ноември”. Потребното реконструирање вклучуваше промена на фасадата на површина од 1150 метри квадратни, со нова термопан демит фасада, која што целосно се молериса со бои отпорни на атмосферски влијанија. 

Се изврши промена и на целата фасадна столарија со тројно термопан стакло, што овозможува објектот да има исклучително заштитно влијание со подобрување на  квалитетот од топлина и намалување на бучавата. На влезот и терасите од градинката, се поставија нови гранитни плочки.   

Во изминатиот период, Општина Центар, според утврдената комунална програма, опфати реконструкција на повеќе општински улици. Реконструирањето се изведе во Дебар Маало и тоа на улиците: ”Благоја Давков”, ”Дане Крапчев”, "Славка Недиќ” и ”487”. 

Градежните работи вклучуваа вадење на горниот слој на асфалтот со машинско гребење и поставување на нова асфалтна маса со висок квалитет и поплочување на тротоарите со бехатон плочки. На сите улици претходно се реконструираше атмосферската канализација.

Се известуваат граѓаните и правните лица од oпфатот на Изменување и дополнување на Детален урбанистички план за Голем Ринг јужен дел – Исток , Општина Центар – Скопје, Предлог план, дека Градоначалникот на Општина Центар донесе Решение за организирање на ЈАВНА ПРЕЗЕНТАЦИЈА И ЈАВНА АНКЕТА ПО ИЗМЕНУВАЊЕ И ДОПОЛНУВАЊЕ НА ДЕТАЛЕН УРБАНИСТИЧКИ ПЛАН ЗА ГОЛЕМ РИНГ ЈУЖЕН ДЕЛ – ИСТОК , ОПШТИНА ЦЕНТАР – СКОПЈЕ, ПРЕДЛОГ ПЛАН. 

Градоначалникот на Општина Центар Владимир Тодоровиќ, минатата година беше во четиридневна посета во Тун, Швајцарија. Посетата во Тун кој е трет град по големина во Кантонот Берн, се реализираше од 1 до 4 декември 2011 година. 

Градоначалникот Тодоровиќ во Тун беше на официјална покана на градоначалникот на градот Тун, Рафаел Ланц, а целта на посетата беше заедничко запознавање на градоначалниците од двете општини и меѓународна соработка врз основа на воспоставен контакт.

Традиционално за Бадник во 44 маала во Општина Центар гореа бадниковите огнови, кои според преданието го најавуваат Христовото раѓање. Бадникувањето, всушност значи бдеење или исчекување на радосната вест за раѓањето на Исус Христос.     

Секоја година во урбаната заедница "Дане Крапчев” во Дебармаало, на познатата локација кај кино Карпош, се служеше посна храна, над стотина литри греана ракија, исто толку природен чај и убаво македонско вино. Целата манифестација беше збогатена со песна и жива музика, за граѓаните од ова подрачје, кои од година во година се во се поголем број. 

Со цел да се зачува повеќевековната македонска традиција за одбележување на Бадник и Божиќ, Општина Центар и годинава ќе донира 44 метри кубни огревни дрва на сите урбани заедници од Општината за палење на бадниковиот оган. 

Општина Центар ќе подели уште 79 метри кубни огревни дрва и на жителите од Општината кои се евидентирани како социјални семејства. 

Се известуваат граѓаните и правните лица од oпфатот на Детален урбанистички план локалитет Крњево 2 , Општина Центар – Скопје, дека Градоначалникот на Општина Центар донесе Решение за организирање на ПОВТОРНА ЈАВНА ПРЕЗЕНТАЦИЈА И ЈАВНА АНКЕТА ПО НАЦРТ – ДЕТАЛЕН УРБАНИСТИЧКИ ПЛАН ЛОКАЛИТЕТ КРЊЕВО 2, ОПШТИНА ЦЕНТАР – СКОПЈЕ.